Алег ДАЦЬКО: «У мінулым годзе я таксама быў удзельнікам раённага велапрабегу»

— Для мяне гэта не першы вопыт: у мінулым годзе я таксама быў удзельнікам раённага велапрабегу. Ад першай спробы пераадолець такую доўгую дыстанцыю засталіся толькі пазітыўныя ўспаміны. Траса была досыць добрай. Мы ўшанавалі памяць удзельнікаў Вялікай Айчыннай вайны, наведаўшы мемарыя-лы па маршруце велапрабегу. Для мяне гэта было асабліва важным — аддаць даніну павагі тым, хто змагаўся за незалежнасць нашай Радзімы, хто цаною свайго жыцця адстаяў наш край і нашу свабоду.
Да таго ж тут адчуваецца згуртаванасць старадаражан вакол памяці Вялікай Перамогі, наша неабыякавасць да гісторыі свайго народа.
Прыемным “бонусам” стала магчымасць умацаваць здароўе. Ехаць на веласіпедзе аднаму не так весела. А калі побач вялікая і шумная кампанія — зусім другі інтарэс, можна сказаць, дух захоплівае. Гэта не спаборніцтва, тут не абавязкова быць самым хуткім. Прыемна проста атрымаць асалоду ад дарогі, ад таго, што стаў часткай агульнай справы.